Belagavi News In Kannada | News Belgaum

ಎರಡು ರಾಷ್ಟ್ರೀಯ  ಪಕ್ಷಗಳಿಗೆ ಟಕ್ಕರ್‌  ನೀಡಿ  ಅಧಿಕಾರಕ್ಕೆರುತ್ತಿರುವ ಎಎಪಿ   ಪಂಜಾಬ್‌ ನಲ್ಲಿ ರೋಡ್‌ ಶೋ

ದೆಹಲಿ: ಪಂಜಾಬ್‌ನ ವಿಧಾನಸಭಾ ಚುನಾವಣೆಯಲ್ಲಿ ಎರಡು ರಾಷ್ಟ್ರೀಯ  ಪಕ್ಷಗಳಿಗೆ ಟಕ್ಕರ್‌  ನೀಡಿ  ಅಧಿಕಾರಕ್ಕೆರುತ್ತಿರುವ ಎಎಪಿ   ಪಂಜಾಬ್‌ ನಲ್ಲಿ ರೋಡ್‌ ಶೋ ನಡೆಸಲು ಸಜ್ಜಾಗಿದೆ. ಮತದಾರರಿಗೆ ಪಕ್ಷದ ನಾಯಕರು ಕೃತಜ್ಞತೆ ಸಲ್ಲಿಸಲು ಮುಂದಾಗಿದ್ದಾರೆ ಎಂದು ವರದಿಯಾಗಿದೆ.

 

ಆಪ್‌ ನ ಪಂಜಾಬ್‌ ನಿಯೋಜಿತ ಮುಖ್ಯಮಂತ್ರಿ ಭಗವಂತ್‌ ಮಾನ್‌ ಮತ್ತು ಪಕ್ಷದ ಮುಖ್ಯಸ್ಥ, ದೆಹಲಿ ಸಿಎಂ ಅರವಿಂದ್‌ ಕೇಜ್ರಿವಾಲ್‌ ಇಂದು ಅಮೃತಸರಕ್ಕೆ ಭೇಟಿ ನೀಡಿ ರೋಡ್‌ ಶೋ ನಡೆಸಲಿದ್ದಾರೆ.

ಈ ಬಗ್ಗೆ ಮಾತನಾಡಿದ ಭಗವಂತ್​​ ಮಾನ್, ನಾವು ಪಂಜಾಬ್ ಜನರಿಗೆ ನೀಡಿದ ಭರವಸೆಗಳನ್ನು ಈಡೇರಿಸಲು ಗುರು ಸಾಹಿಬ್ ಅವರ ಆಶೀರ್ವಾದವನ್ನು ತೆಗೆದುಕೊಳ್ಳುತ್ತೇವೆ. ನಮ್ಮ ರಾಷ್ಟ್ರೀಯ ಸಂಚಾಲಕ ಅರವಿಂದ್ ಕೇಜ್ರಿವಾಲ್ ಇಂದು ಅಮೃತಸರಕ್ಕೆ ಆಗಮಿಸಿ, ರೋಡ್ ಶೋನಲ್ಲಿ ಭಾಗಿಯಾಗಲಿದ್ದಾರೆ ಎಂದರು.

ಪಂಜಾಬ್‌ ನಲ್ಲಿ ನಡೆದ ಚುನಾವಣೆಯಲ್ಲಿ ಆಮ್‌ ಆದ್ಮಿ ಪಕ್ಷ 98 ಸ್ಥಾನಗಳನ್ನು ಪಡೆಯುವ ಮೂಲಕ ವಿಜಯ ಸಾಧಿಸಿದೆ. ಇನ್ನು ಕಾಂಗ್ರೆಸ್‌ 18, ಬಿಜೆಪಿ 2 ಸ್ಥಾನಗಳನ್ನು ಪಡೆದುಕೊಂಡಿತ್ತು.