Belagavi News In Kannada | News Belgaum

ಹುಬ್ಬಳ್ಳಿ ಗಲಭೆಯಲ್ಲಿ ಇಬ್ಬರು ಪೊಲೀಸರ ಹತ್ಯೆಗೆ ಯತ್ನ: ಕೂದಲೆಳೆಯ ಅಂತರದಲ್ಲಿ ಬಚಾವ್

ಹಳೇ ಹುಬ್ಬಳ್ಳಿಯಲ್ಲಿ ನಡೆದ ಗಲಭೆಯಲ್ಲಿ ಇಬ್ಬರ ಪೊಲೀಸರ ಹತ್ಯೆಗೆ ಸಂಚು ರೂಪಿಸಲಾಗಿದ್ದು, ಕೂದಲೆಳೆಯ ಅಂತರದಲ್ಲಿ ಕಾನ್ಸ್​ಟೇಬಲ್​ಗಳು ಬಚಾವಾಗಿದ್ದಾರೆ.

ಗಲಭೆಕೋರರು ದಡ್ಡಿ ಹನುಮಂತ ದೇವಸ್ಥಾನದ ಬಳಿ ಕಬಾಸ್ ಪೇಟೆ ಠಾಣೆಯ ಕಾನ್ಸ್​ಟೇಬಲ್​ಗಳಾದ ಅನಿಲ್ ಕಾಂಡೇಕರ್ ಮತ್ತು ಮಂಜುನಾಥ ನಾಮರೆಡ್ಡಿ ಎಂಬುವವರನ್ನು ತಡೆದು ಸೈಜುಗಲ್ಲು ಎತ್ತಿಹಾಕಿ ಹತ್ಯೆ ಮಾಡಲು ಯತ್ನಿಸಿದ್ದರು. 10 ರಿಂದ 15 ಜನ ಗಲಭೆಕೋರರು ಸುತ್ತುವರಿದು ಕೊಲ್ಲಲು ಯತ್ನಿಸಿದ್ದರು.

ಕಾನ್ಸ್​ಟೇಬಲ್​ಗಳು ಬೈಕ್ ಅಲ್ಲಿಯೇ ಬಿಟ್ಟು ಗಲಭೆಕೋರರಿಂದ ತಪ್ಪಿಸಿಕೊಂಡು ಪ್ರಾಣ ಉಳಿಸಿಕೊಂಡಿದ್ದಾರೆ. ಈ ಬಗ್ಗೆ ದೂರು ಸಹ ದಾಖಲಿಸಿದ್ದಾರೆ.