ಬೆಂಗಳೂರು: ಹಂಗೇರಿಯ ಬುಡಾಪೆಸ್ಟ್ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ನ ಜಾವೆಲಿನ್ ಥ್ರೋನಲ್ಲಿ ನೀರಜ್ ಚೋಪ್ರಾ ಫೈನಲ್ಗೆ ಪ್ರವೇಶಿಸಿದ್ದಾರೆ. ಫೈನಲ್ನ ಅರ್ಹತಾ ಸುತ್ತಿನಲ್ಲಿ 88.77 ಮೀಟರ್ ದೂರ ಭರ್ಜಿ ಎಸೆಯುವ ಮೂಲಕ ನೀರಜ್ ಚೋಪ್ರಾ ಅಂತಿಮ ಸುತ್ತಿಗೆ ಪ್ರವೇಶಿಸಿದರು. ಇದರೊಂದಿಗೆ 2024 ರಲ್ಲಿ ನಡೆಯಲಿರುವ ಪ್ಯಾರಿಸ್ ಒಲಿಂಪಿಕ್ಸ್ಗೂ ನೇರ ಅರ್ಹತೆ ಪಡೆದುಕೊಂಡರು.
ಟಾರ್ಗೆಟ್ 83 ಮೀಟರ್: ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ನಲ್ಲಿ ಫೈನಲ್ಗೆ ಪ್ರವೇಶಿಸಲು ಕನಿಷ್ಠ 83 ಮೀಟರ್ ದೂರದವರೆಗೆ ಜಾವೆಲಿನ್ ಎಸೆಯಬೇಕಿತ್ತು. ಇತ್ತ ಮೊದಲ ಎಸೆತದಲ್ಲೇ 88.77 ಮೀಟರ್ ಎಸೆದು ನೀರಜ್ ಚೋಪ್ರಾ ಫೈನಲ್ಗೆ ಅರ್ಹತೆ ಪಡೆದುಕೊಂಡರು. ಅಲ್ಲದೆ ಇದಾದ ಬಳಿಕ ಉಳಿದ ಯಾವುದೇ ಎಸೆತಗಾರರು ಚೋಪ್ರಾ ಅವರ ದೂರವನ್ನು ಕ್ರಮಿಸಿರಲಿಲ್ಲ. ಹೀಗಾಗಿ ಏಕೈಕ ಎಸೆತದೊಂದಿಗೆ ನೀರಜ್ ಅಗ್ರಸ್ಥಾನ ಅಲಂಕರಿಸಿದರು.
ಒಲಿಂಪಿಕ್ಸ್ಗೆ ನೇರ ಎಂಟ್ರಿ: ಪ್ಯಾರಿಸ್ನಲ್ಲಿ ನಡೆಯಲಿರುವ 2024ರ ಒಲಿಂಪಿಕ್ಸ್ಗಾಗಿ ಜುಲೈ 1 ರಿಂದ ಅರ್ಹತಾ ವಿಂಡೋ ತೆರೆದಿದೆ. ಇಲ್ಲಿ 85.50 ಮೀಟರ್ ಮಾರ್ಕ್ ಅನ್ನು ಅರ್ಹತಾ ಮಾನದಂಡವಾಗಿ ನಿಗದಿ ಮಾಡಲಾಗಿದ್ದು, ಇದೀಗ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ನಲ್ಲಿ 88.77 ಮೀಟರ್ ದೂರದವರೆಗೆ ಜಾವೆಲಿನ್ ಎಸೆಯುವ ಮೂಲಕ ನೀರಜ್ ಚೋಪ್ರಾ ಒಲಿಂಪಿಕ್ಸ್ಗೆ ನೇರ ಅರ್ಹತೆ ಪಡೆದುಕೊಂಡಿದ್ದಾರೆ.