Belagavi News In Kannada | News Belgaum

ಕಳ್ಳತನಕ್ಕೆ ಬಂದೋನು ಹಾಸಿಗೆ ಮೇಲಿದ್ದ ಪತಿ-ಪತ್ನಿ ವಿಡಿಯೋ ಮಾಡಿದ ಕಿರಾತಕ!.

ಛತ್ತೀಸ್ಗಡ: ಕಳ್ಳತನ ಮಾಡಲು ಬಂದ ಕಳ್ಳನ ಕಣ್ಣಿಗೆ ಮಂಚದ ಮೇಲಿದ್ದ ದಂಪತಿ ಬಿದ್ದಿದ್ದಾರೆ. ಅಷ್ಟೇ, ಮೊಬೈಲ್ ಕೈನಲ್ಲಿ ಹಿಡಿದು ರೆಕಾರ್ಡ್ ಮಾಡಿ, ಸಿಕ್ಕಿ ಬಿದ್ದಿರುವ ಘಟನೆ ಛತ್ತೀಸ್‌ಗಢದಲ್ಲಿ ನಡೆದಿದೆ.

ಸಿವಿಲ್  ಪರೀಕ್ಷೆ ಬರೆದಿದ್ದ ಯುವಕನ ಕನಸು ಈಡೇರಲಿಲ್ಲ. ಏನೇ ಕೆಲಸ ಮಾಡಿದ್ರೂ ಕೈ ಕೂರುತ್ತಿರಲಿಲ್ಲ. ಹಾಗಾಗಿ ಎಲ್ಲ ಬಿಟ್ಟು ಕಳ್ಳತನ ಕ್ಕೆ ಇಳಿದಿದ್ದಾನೆ. ತನ್ನ ಸುತ್ತಮುತ್ತಲ ಮನೆಗೆ ಹೋಗಿ ಕಳ್ಳತನ ಮಾಡ್ತಿದ್ದ ಆರೋಪಿ ಒಂದು ದಿನ ಕಳ್ಳತನ ಮಾಡುವ ಬದಲು, ಬೆಡ್ ಮೇಲೆ ಸಂಭೋಗಿಸುತ್ತಿದ್ದ ದಂಪತಿ ವಿಡಿಯೋ ಮಾಡಿದ್ದಾನೆ. ಅದನ್ನು ಬೆಳಿಗ್ಗೆ ದಂಪತಿಗೆ ಕಳುಹಿಸಿದ್ದಲ್ಲದೆ 10 ಲಕ್ಷಕ್ಕೆ ಬೇಡಿಕೆ ಇಟ್ಟಿದ್ದಾನೆ. ಇದ್ರಿಂದ ಕಂಗಾಲಾದ ದಂಪತಿ ಪೊಲೀಸರಿಗೆ ದೂರು ನೀಡಿದ್ದು, ಕೊನೆಗೂ ಆರೋಪಿ ಸಿಕ್ಕಿ ಬಿದ್ದಿದ್ದಾನೆ..

ಈ ಯುವಕನ ಹೆಸರು ವಿನಯ್ ಕುಮಾರ್ ಸಾಹು. ವಯಸ್ಸು 28 ವರ್ಷ. ಈತ ಸರ್ಕಾರಿ ನೌಕರಿ ಪಡೆಯಲು ಸಾಕಷ್ಟು ಪ್ರಯತ್ನಿಸಿದ್ದ. ಪಿಎಸ್‌ಸಿ ಪರೀಕ್ಷೆಯನ್ನೂ ಬರೆದಿದ್ದ. ಆದ್ರೆ ಯಾವುದೇ ಕೆಲಸ ಈತನಿಗೆ ಸಿಗಲಿಲ್ಲ. ಸರ್ಕಾರಿ ಕೆಲಸದ ಆಸೆ ಬಿಟ್ಟು ತನ್ನ ಲೈನ್ ಚೇಂಜ್ ಮಾಡಲು ಮುಂದಾದ ವಿನಯ್, ತರಕಾರಿ ಮಾರುಕಟ್ಟೆಗೆ ಬರ್ತಿದ್ದವರ ಮೊಬೈಲ್ ಕಳ್ಳತನ ಶುರು ಮಾಡಿದ. ಆರಂಭದಲ್ಲಿ ಮೊಬೈಲ್ ಕದಿಯುತ್ತಿದ್ದ ವಿನಯ್, ನಿಧಾನವಾಗಿ ಸಣ್ಣಪುಟ್ಟ ವಸ್ತುಗಳನ್ನು ಕದಿಯಲು ಶುರು ಮಾಡಿದ. ರಾತ್ರಿ ತನ್ನ ಊರಿನಲ್ಲಿರುವ ಮನೆಗಳಿಗೆ ಹೋಗಿ ಕಳ್ಳತನ ಮಾಡ್ತಿದ್ದ.

ವಿನಯ್ ತನ್ನೂರು ಬಿಟ್ಟು ಮತ್ತೆಲ್ಲಿಯೂ ಕಳ್ಳತನ ಮಾಡುವ ಪ್ರಯತ್ನಕ್ಕೆ ಕೈ ಹಾಕಿರಲಿಲ್ಲ. ಈ ಮನೆಗೂ ಆತ ಎರಡು ಬಾರಿ ಬಂದಿದ್ದ. ಎರಡೂ ಬಾರಿ ಯಶಸ್ವಿಯಾಗಿ ಕಳ್ಳತನ ಮಾಡಿದ್ದ. ಮೂರನೇ ಬಾರಿಯೂ ಆರಾಮವಾಗಿ ಕಳ್ಳತನ ಮಾಡಬಹುದು ಎಂಬ ನಂಬಿಕೆಯಲ್ಲೇ ಆತ ಮನೆಯೊಳಗೆ ಬಂದಿದ್ದ. ಆದ್ರೆ ಅಲ್ಲಿ ಆತನ ಮನಸ್ಸು ಬದಲಾಯ್ತು. ಕಳ್ಳತನ ಮಾಡ್ತಿದ್ದವನಿಗೆ ಬೆಡ್ ಮೇಲಿದ್ದ ಜೋಡಿ ಕಣ್ಣಿಗೆ ಬಿದ್ದು.  ಮನೆಯಲ್ಲಿ ಯಾವ ಪರಿವೆಯೂ ಇಲ್ಲದೆ ಶಾರೀರಿಕ ಸಂಬಂಧ ಬೆಳೆಸುತ್ತಿದ್ದ ಜೋಡಿಯನ್ನು ನೋಡಿದ ವಿನಯ್, ತನ್ನ ಕದ್ದ ಮೊಬೈಲ್ ತೆಗೆದಿದ್ದಾನೆ. ಕಿಟಕಿ ಪಕ್ಕ ನಿಂತು ಅವರ ವಿಡಿಯೋ ಮಾಡಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ. ಮರುದಿನ ಬೆಳಗ್ಗೆ ವಾಟ್ಸ್ ಆ್ಯಪ್‌ನಲ್ಲಿ ದಂಪತಿಗೆ ವಿಡಿಯೋ ಬಂದಿದೆ. ಇದನ್ನು ನೋಡಿದ ದಂಪತಿ ದಂಗಾಗಿದ್ದಾರೆ. ವಿಡಿಯೋ ಜೊತೆ ವಿನಯ್ 10 ಲಕ್ಷ ರೂಪಾಯಿ ನೀಡುವಂತೆ ಬೇಡಿಕೆ ಇಟ್ಟಿದ್ದಾನೆ. ಇಲ್ಲವೆಂದ್ರೆ ವಿಡಿಯೋ ಲೀಕ್ ಮಾಡುವ ಬೆದರಿಕೆ ಹಾಕಿದ್ದಾನೆ.

ವಿನಯ್ ಗೆ 10 ಲಕ್ಷ ನೀಡುವ ಬದಲು ದಂಪತಿ ಪೊಲೀಸ್ ಮೊರೆ ಹೋಗಿದ್ದಾರೆ. ವಿಚಾರಣೆ ಕೈಗೊಂಡ ಪೊಲೀಸರು, ಸೈಬರ್ ಕ್ರೈಂ ಪೊಲೀಸರ ಸಹಾಯದಿಂದ ವಿನಯ್ ನಿವಾಸ ಪತ್ತೆ ಮಾಡಿದ್ದಾರೆ. ಪೊಲೀಸ್ ದಾಳಿಯವರೆಗೂ ವಿನಯ್ ಅದೇ ನಂಬರ್ ಬಳಕೆ ಮಾಡ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಫೋನ್ ಟ್ರ್ಯಾಕ್ ಮಾಡಿ ವಿನಯ್ ಹಿಡಿದ ಪೊಲೀಸರಿಗೆ ಎಲ್ಲ ವಿಷ್ಯ ಗೊತ್ತಾಗಿದೆ. ವಿನಯ್ ಫೋನ್ ನಲ್ಲಿದ್ದ ವಿಡಿಯೋ ಡಿಲಿಟ್ ಮಾಡಿ, ಆರೋಪಿಯನ್ನು ಒಳಗೆ ತಳ್ಳಿದ್ದಾರೆ.